| 21歲既成人禮距離今日只有短短幾個月,
雖然不想長大. 但係世界無為我停落黎.
反而感覺, 行得更快.
坐低諗一諗, 小學畢業好似係好近既事.
但係一日一日咁過,
不知不覺, 原來已經經歷左好多好多既人同事.
唔知由幾時開始,
快樂, 唔再係必然.
傷痛, 唔再係流兩行眼淚就會過.
責任成為生活既一部份.
唔再希望做大人.
身體亦唔再發育.
所謂既夢想,理想都拋到九霄雲外.
每一日, 身邊既人都會為我上寶貴既, 無數既咁多課.
感恩既係, 我既人生到呢一刻, 並無太多大上大落.
越想捉緊既野, 會慢慢一點一滴, 在你唔發覺既時候, 溜走. 甚至徹底離開你既人生.
係無窮無盡既恐懼, 同時亦無可奈何.
唯一可以做既, 係好好珍惜當下.
人生不如意事, 十常八九.
爸爸媽媽提醒我,
一個人, 唔會所有最好既事全部發生在佢身上, 亦唔會所有最壞既事全部發生在佢身上.
即將要踏足社會, 究竟我準備好未, 只可以講, 我只有不停繼續裝備自己.
兒時夢想, 或者不切實際.
長江七號入面既小朋友話, "我要做個大企業家, 做咩唔緊要, 最緊要大."
但係現在當下呢, 我既理想又係咩? 我想做既又係咩.
慢慢發現, 呢個社會有幾大競爭. 有幾殘酷, 汰弱留強.
呢個時勢, 要安份守己, 找份工, 已經唔容易, 更何況要實踐理想.
但係, 我始終相信, 有夢最美.
樂觀點, 積極點.
想學, 想做,就要坐言起行.
有幾多人, 講就天下無敵, 但係實質, 自己既人生係一團糟, 連自己做緊咩, 去緊邊, 都唔知.
mentality = 心理狀態.
究竟需要幾多, 幾有準備先可以足夠面對將來種種既挑戰.
或者個答案係, infinity.
所以, 努力啦, 朋友!
|
